Өз қалаңды таңда: X
Намаз уақыты:
  • Таң 05:25
  • Күн 06:54
  • Бесін 13:24
  • Екінті 17:45
  • Шам 19:45
  • Құптан 21:15
  • 29
  • наурыз

    сәрсенбі

  • 1
  • Раджаб

    1438

Қаймағы бұзылмаған қайран дінім...

Қаймағы бұзылмаған қайран дінім, Қаймағың быт-шыт болды қайдан бүгін?! Құбылаға бет алып қол қусырып, Сәждеге жығылатын қайда күнім?
  • 210
  • 0
  • 09.02.17

Бүгін Алаштың ақиық ақыны Мұқағали Мақатаевтың туған күні. Асыл дінімізді ардақтамақ түгілі, атын ауызға да алдырмаған алмағайып заманның өзінде «Дін – ғылымның атасы» – деп, асқақтата жырлаған еді. Осынау атаулы күні ақын жырларын тағы да бір назарларыңызға ұсынуды жөн көрдік, кұрметті мұсылман қауым!

 Бірігіңдер, әлемнің мұсылманы!

 Қаймағы бұзылмаған қайран дінім,

Қаймағың быт-шыт болды қайдан бүгін?!
Құбылаға бет алып қол қусырып,
Сәждеге жығылатын қайда күнім?
Сатпаймын, сатқан емен дінімді мен,
Өлмейтін, өшпейтұғын күнім білем.
Таппайтын күнде тыным, түнде тыным,
Мұсылман Мұхаммедтің үмбетімін.

Мұхаммедтің үмметі мұсылманмын,

Пайғамбарым қолдайды қысылған күн.

Алсын тағалам ант етем, ант етемін,

Алла есімін жүректен ұшырған күн»

Бәрі рас айтқанының Ақ Алламның,
Құмменен топырақтан жаралғанмын.
Құдайдың құлымын мен – мұсылманмын,
Денемде түйірі жоқ арам қанның,
Ақиқатын аңсаймын ақ арманның.
Мекенім ніл дария – меккем менің,
Келеді мәңгілікке мекендегім.
Дариға-ай Зұлпыһарды ерттеп мініп,
Көрмеген мекеніме кетер ме едім!
Семсерін Әзірет Әлі ескек жасап,
Жерорта теңізінен өтер ме едім?!
Қаны аққан қайран менің мұсылманым,
Осы ма екі ортада қысылғаның.
…Бірігіңдер, әлемнің мұсылманы,
Құрбан болсын Құдайың үшін жаның!!!

***

«Алла – ақиқат.
Аллаға сеніп өтем,
Адалдық пен ақиқат серігі екен.
Адаспаймын, Аллама сеніп өтем,
Арамдыққа баспаймын – жолы бөтен!»

 

*** 

Я, Алла! Жаратушы жалғыз Ием,

Медет бер, жапандағы жалғыз үй ем!

Хал сұрар, жай түсiнер бiр пенде жоқ,

Жүрек – жүн, ойым – опат,

жанды жүйем

***

 «Я, Алла! Жаратушы жалғыз Ием,

 Медет бер, жапандағы жалғыз үй ем!

 Хал сұрар, жай түсінер бір пенде жоқ,

 Жүрек-жүн, ойым-опат, жанды жүйем».

 

***

«Жаратушы, жалғыз Ием, қуат бер.

 Азабымды-тозағымды жеңейін.

 Жаратушы, жалғыз Ием шуақ бер,

Өзіме де, өзгеге де төгейін»

 ***

Мына дүние әділдіктен жаралған,

Өз орнында: жер де, күн де, тау, орман.

Бір-бірінен қуат алған, нәр алған,

Мына дүние әділдіктен жаралған.

Күн барады әділдігін арқалап,

Әділдігін бөлеп жатыр шартарап.

Әділдік деп жүргеніміз біздердің -

Бар ғаламға, әлемге ортақ салтанат.

 

*** 

Мынау өмір әділдіктің тұрағы,

Мынау дүние әділдіктен тұрады.

Ал Адам ше?

Адам неге жылады? Бірелерден біреу неге ығады?

Біреулердің сағы неге сынады?!

 ***

ШЫДА, ШЫДА

Шыда, шыда!

Шыдай түс, шыда тағы!

Шыдамдыны мына өмір ұнатады.

Үміттің құлан иек құла таңы,

Әйтеуір бір атады, бір атады...

 Өкінбе, өкпелеме, бүгініңе

Өмір, өмір!

Болмайды түңілуге, Мәңгі сені жазбаған түңілуге,

Қайта тұрып, қақың бар жүгіруге.

 ***

Я, Аллам! Жаратушым, Қорғаушым,

Өзің -өмір, өзің — қуат, қорғансың.

Іші өртенсін, дұшпандарым долдансын,

Достарым кеп демесін, бір қолға алсын.

Я, Аллам! Адамдарға қас қылма,

Сорлы қылма көк аспанның астында.

Я, Аллам! Жауыздықтан сақтай гөр,

Жамандыққа, жауыздыққа бастырма!

***

Дін – ғылымның анасы

Дін – ғылымның анасы,
Дін – ғылымның әкесі.
Ғылым – діннің баласы,
Дін – ғылымның көкесі.

Ғылым да бар, дін де бар,
Қоқыс та бар, гүл де бар.
Қол ұстасып Құдайға,
Ғылым мен дін бірге бар.

Дайындағын Бақытбек Қадырұлы

Пікірлер (0)

Тіркелген қолданушылар ғана пікір қалдыра алады. Сондықтан, сізге сайтта тіркелуіңізді немесе құпиясөзді қолданып, кіруіңізді ұсынамыз.