Өз қалаңды таңда: X
Намаз уақыты:
  • Таң 05:25
  • Күн 06:54
  • Бесін 13:24
  • Екінті 17:45
  • Шам 19:45
  • Құптан 21:15
  • 29
  • наурыз

    сәрсенбі

  • 1
  • Раджаб

    1438

Ұлыс қарсаңындағы ұлағатты шара (ФОТО)

Кеше «Нұр Астана» орталық мешітінде ҚМДБ-ның Әйел-қыздар секторы әз-Наурыз қарсаңында мерекелік шара өткізді.

Елорданың айшықты құлшылық ордасына ұдайы келіп, ғибадатын өтеуші қыз-келіншектер мен әйел жамағатына арналған шарада дін мен дәстүр сабақтастығы, ұлттық әдет-ғұрып негіздері жаңғырды. Мешіт имамдары қазақ халқының салт-дәстүріндегі игіліктер жайында жамағатқа кеңінен түсіндіріп, асыл дініміздің ізгілікті істерге демеу болатынын жеткізді.

Әйелдер-қыздар секторы шара барысында әртүрлі танымдық дүниелерді көрсетті. Атап айтсақ, балаға азан шақырып есім беру, бесікке бөлеу, тұсауын кесу сынды тәлім-тәрбиелік мәні зор, шариғат үркіндерімен үйлескен игі дәстүрлер мерекелік шараның мәнін айшықтады.

Мазмұнды шара соңында ұлттық ас-тағамдармен көмкерілген ақ дастархан жайылды. Ақ жаулықты әжелер ізгі іске ұйытқы болған дін қызметкерлері мен ұйымдастырушыларға аналық тілек-ниеттерін арнап, бата берді. «Нұр Астана» орталық мешітінің баспасөз қызметі

«Нұр Астана» орталық

мешітінің баспасөз қызметі


Пікірлер (0)

Тіркелген қолданушылар ғана пікір қалдыра алады. Сондықтан, сізге сайтта тіркелуіңізді немесе құпиясөзді қолданып, кіруіңізді ұсынамыз.